مقروط النقاش

3 كيلات سميد + قرصة ملح +كيلة مارغرين الحشو: غرس مرحي+ قرفة مرحية+ قرنفل (الكمية حسب الذوق) ثم تلميه بشوية ماء زهر . طريقة العمل: بالنسبة للعجينة نخلط المرغرين و السميد براحة اليد جيدا حتى تتحصلي على رغوة (و هنا السر في نجاح المقروط) ثم نقسمها قرصات و نتركها جانبا بالنسبة للحشو: ناخذ النيلون اللي نفرشوه فوق طاولات الاكل و نقص منه جزء حسب الحاجة لانو سوف نحلل فوقه الحشو بالحلال حيث تكون طبقة رقيقة نوعا ما . ناخذ قرصة من العجينة و نحللها فوق الطاولة، ثم ناخذ النايلون و نحاول ان نقلب االحشو على العجينة، ثم نسحب النيلون برفق. بعد ذلك نقوم بلف العجينة حوالي 3 او 4 رفات حتى الى 5. حتى نتحصل على حربوش و نزيدو نحربشوه حتى نتحصل على الحجم المعقول لحبة المقروط. طريقة التقطيع: لتتحصلي على الشكل المطلوب لا بد من استعمال سكين حاد ثم نقوم بالتقطيع برفق و ليس بالضغط حتى يخرج شكل الغرس كما في الصورة . بعد ذلك انقشيه بالنقاش ، و ضعيه في الفرن حتى يطيب ، يمكن ان تقومي بقليه في الزيت شرط الا تكثري من الحشو اي ان يكون طبقة رقيقة جدا. بعد ما يخرج عسليه مباشرة و بالتوفيق ان شاء الله